من سيربح المازوت؟

عزيزي المواطن أهلا بك في برنامج من سيربح المازوت و نرجو لك التوفيق.

عليك الاجابة على الاسئلة التالية بنعم أو لا علماً أن كل سؤال تجيب عليه يخولك ربح ليتر من المازوت تقدمة محلات الثروات الباطنية السورية:

السؤال الاول :

هل انت متزوج : إذا كان جوابك لا ستربح ليتر من المازوت و إذا كان نعم ستخسرلأنو مرتك بتدفيك.

السؤال الثاني :

هل تملك أكثر من غرفة : إذا كان لا ستربح ليتر آخر من المازوت و إذا كان نعم ستخسر لأن وجود اكثر من غرفة يعني أنك تملك غرفة ضيوف و بالتالي ستقوم بعزيمة الناس إليها و تقدمة الضيافة لهم وبالتالي مصاريف عالفاضي ستؤثر على الإقتصاد الوطني و أصلاً هذا يعني انك مبحبح مادياً يخرب بيتك و لسا بدك دعم.

السؤال الثالث :

هل تأكل أكثر من وجبة باليوم : إذا كان لا ستربح ليتر آخر و إذا كان نعم ستخسر لأنّ تناول الطعام الزائد يؤدي إلى تكديس طبقات من الدسم تحت الجلد تغني عن التدفئة بالمازوت.

السؤال الرابع :

هل تمارس النشاط الرياضي : إذا كان لا ستربح ليتر آخر و آذا كان نعم ستخسر لأنّ النشاط الرياضي يحتاج إلى عملية حرق للسكر و عملية الحرق تحتاج إلى مازوت و بالتالي ستقوم بصرف المازوت لغايات غير التدفئة يا ملعون وين رايح مفكر حالك أذكى منا.

السؤال الخامس :

هل تملك أكثر من بطانية : إذا كان لا ستربح ليتر آخر و إذا كان نعم ستخسر و من شو بيشكي الدفا تحت البطانيات.

السؤال السادس :

هل تملك صوبيا : إذا كان لا ستربح ليتر آخر و إذا كان نعم ستخسر لأنّك صاحب أملاك ما شاء الله حولك ،الله يرزقك.

إذا استطعت الاجابة بـلا على كل الاسئلة ستنتقل معنا إلى برنامج الكهرباء و إلى اللقاء في الحلقة القادمة مع كل جديد.

**************
مـجـد سـوريـة
MAJD SYRIA

**************

18 تعليق

  1. انو عنجد مسخره بيذلوه للمواطن ذل بيسوى كل شي رح يدعموه فيه هي اذا حصل على شرف الدعم

  2. لك بربي انو الواحد يروح ويتفرج كيف الناس عم توقف على الدورر وكيف الموظفين ب المصارف عم يعاملو الناس بيقرف حالو وبيقرف الدعم ؟؟؟؟؟؟؟؟ الدعم هاد خطة فاشلة وانا شايف انو كل شي عم بيصير ببلدنا مو صح من الناحية الاقتصادية سورية اقوا اقتصاديا وشعبها اكتر فقرا ؟؟ مبينه معناها الغني يزداد غنى والفقير فقرا والمشكلة انو القانون مع الي معو القانون يعني المصاري والله يهون علينا يارب ونصير نعيش متل البشر بقا لئنو لهلق ماني حاسس انو عايشين عيشة بشر

اترك رد