نكت من نهفات الفورة السورية 2

بعد جمعة الجيش الحر يحميني و جمعة المنطقة العازلة تأويني…ترقبوا:

.

.

.

جمعة مطبخ ماما بيطعميني

جمعة لحاف الصوف بدفيني

جمعة انا جاي استنيني

جمعة زيديني عشقا زيديني

جمعة كيس البزر بسليني

جمعة انا مسافر يا امي ودعيني

+++++

مندس عم يلطش صبية شبيحة

المندس : لك سمعنا انو الحليب مقطوع من السوق

من وين جاية لكن يا قشطا ؟؟

الصبية : وسمعنا كمان انو الجلد مقطوع من السوق

.

من وين جاية يا صرماية !!

+++++

محشش شاف هيفا وهبي قلا ماشالله عليكي متل لعبة باربي بالضبط.

هيفا : ههههه ميرسي اكيد قصدك عطولي وشكلي الحلو ونعومتي

المحشش :

لا انا قصدت انو كلك سليكون وبدون عقل !!!

+++++

عصبي ماشي مع مرتو بالشارع

سألا : بردانة حبيبتي

هي بدلع : أي حياتي

حط هالكف وسلخا ياه جابا بالحيط وقال :

مو قلتلك انقبري لبسي الجاكيت قبل ما نطلع !!

+++++

تنين قاعدين بالسينما الأول : شايف هداك يلي قاعد هونيك بتشارط انو فيني اضربو طيارة عرقبتو

التاني أي بشارط

راح هداك ورقعو طيارة غير شكل وقلو مين سمير لك كيفك يا معلم شو أخبارك أحلى أبو سمرا

الزلمة : مين سمير غلطان انت انا ماني سمير

اعتذر منو ورجع قعد حد صاحبو قلو : بتشارط فيني ارجع لعند نفس الزلمة واضربو طيارة

… التاني : أي بشارط

رجع لعندو ورقعو طيارة وقلو : لك حاجتك مزح أبو سمرا دائما بتعملا فينا اي شو بدي توه عنك انت سمير

الزلمة بعصبية : يا بني آدم ماني بطيخ عم قلك ماني سمير

اعتذر منو ورجع قعد حد صاحبو وقلو : بتشارط انو فيني ارجع لعندو وطقو طيارة تالتة

التاني : اي بشارط

رجع لعند الزلمة ورقعو طيارة غير شكل وقلو : أبو سمرا ورجيني هويتك لحتى صدق ولا تلعب عليي

الزلمة جن وصار يصرخ : لك تضرب انت وسمير وهالسينما لك يا غبي عم قلك ماني سمير مااااني سمير

وحمل حالو وراح قعد بالزاوية بعيد عنو

رجع هداك لعند رفيقو وقلو هالمرة الشرط على عشا بتشارط انو فيني روح لعندو وطقو طيارة كمان

التاني : يا سيدي الك احلى عشا إذا بتعملا روح شايفك

الأول راح لعند الزلمة ورقعو طيارة من دين الله ما يعطيه وقلو :

يحرق ديبك يا سمير

قاعد هون وتاركنا عم نضرب الزلمة هونيك مفكرينو انت !!!

+++++

تلاتة قاعدين عند جارن عم يحششو

الأول قال : مثلث مربع دائرة مستطيل معين

التاني رد : أحمر أخضر أزرق أبيض بني

تطلع الجار بالتالت وسألو لك شو صرلن هدون التنين شو عم يقولو

المحشش : لك لا تخاف يا زلمة عادي

هدول لما يحششو بصيرو بيحكو اشكال الوان !!!

+++++

ما أجمل أن يتقاسم الزوج وزوجته الأعمال المنزلية

هي تطبخ وهو يأكــل..

هي تغسل وهو يلبــس..

هي تحضر السرير وهو ينــام..

يا له من دور عظيم يؤديه الرجــال

فكم انت مسكين أيها الرجل وكم أنتي جاحدة أيتها المرأة

+++++

حصريا بالمدارس العربية :

يا شباب للمرة الألف بعيد وبكرر يلي مو فهمان يرفع ايدو ويسأل

مو عيب انك ما تفهم العيب انك تطلع من الحصة متل الطشمة مو عرفان الله وين حاطك

الطالب : استاذ انا ما فهمت ممكن تعدلنا

الأستاذ : ومن وين بدك تفهم يا روح امك وانت سرحان بالشباك وابصر بأي مصيبة سرحان

شوف الوقاحة قال مانو فهمان وبدو عدلو الفقرة فاضي أنا لانو

انقلع لبرا الدرس الجاي ما بتجي بدون ولي أمرك !!!!!!!!!!

+++++

وحدة هدت حبيبا المحشش ببغاء

تاني يوم سألتو : حبيبي شو رأيك بالببغاء

المحشش : عادي كتير

نفس طعمة الجاج !!

+++++

محشش دعس زلمة كسرو ولعن أفطاسو

بالتحقيق سألو الضابط للمحشش : لك كيف دعستو للزلمة

المحشش : يا سيدي والله صرت لطشلو بالضو عالي واطي وزمرلو بس هو ما تحرك

الضابط للمدعوس : لك الزلمة لطشلك بالضو وزمرلك ليش ما تحركت

المدعوس :

لك إذا كنت قاعد بدكاني ابعد وروح لوين !!

+++++

محشش ماشي بسيارتو سمع بالراديو

رجل مجهول يقود بعكس السير ويرهب المواطنين

قال المحشش : يقطع عمرن قال واحد مجهول قال

اي أنا لحالي صرت شايفلي شي مية حمار ماشي عكس السير !!!

+++++

وحدة قامت من النوم مبسوطة قالت لجوزا :

حياتي حلمت انك هديتني عقد ألماس بجنن

شو معناه هالحلم

ضحك جوزا وقلا : اليوم المسا بتعرفي حبيبتي

المسا رجع جوزا وبإيدو هدية مغلفة ركضت مرتو عليه

… وصارت تبوسو من الفرح واخدت الهدية وفتحتا بسرعة وقالت :

دخيل قلبك فورا رحت وجبتلي العقد

رد عليها :

لا حياتي جبتلك كتاب تفسير الأحلام !!

+++++

طريقة ولادة الحامل ب 2050

Right click

Download

+++++

عصابة محششين مسكو واحد بالشارع وسألو :

انت معنا أو مع التانيين ؟؟؟

الزلمة : لا لا انا معكم اكيد

نزلو فيه ضرب وتكسير صار يصرخ لك عم قلكن انا معكم

ليش عم تضربوني

… المحششين :

يا غبي نحنا التانيين !!

+++++

شو الشي المشترك بين آنسة المدرسة والصوبيا ؟؟؟

تنيناتن بينضبو بالصيف !!

+++++

واحد سرق بنك

شافو تنين اجا لعندن بسرعة وسأل الأول :

انت شفتني عم اسرق البنك

الأول : أي الصراحة شفتك

الحرامي طقو رصاصة جاب أجلو وسأل التاني :

… وانت شفتني عم اسرق البنك

التاني : لا لا لا والله ما شفتك

بس حماتي اكيد شافتك !!

+++++

حمصي فتح محل صاغة تاني يوم سكر ؟؟؟

عمل أول يوم مجاني !!!

+++++

دكتور أسنان فحص مريض..قلّو سنانك بدن شغل

بتحب تلبيسة ولا جسر ؟

قلّو المريض : لا دخيلك خليني بحلب أأمن شي..!!

+++++

تنين محششين صافنين بالسقف

الأول : قولتك 13 الشهر بوافق يوم السبت ؟؟

التاني :

إذا ضغطنا عليه أكيد بوافق !!!

+++++

مرة واحد راح مع ابوه ليخطبلو .. فسأل ابو العروس ابو العريس وقالو : شو معو ما معو ؟؟؟ . . . . . . . . .

قالو : من ناحية معو …… ما معو , بس معو معو بصير معو

قال ابو العروس : معناها روح معو وبس يصير معو , تعا معو

**************

المصدر: صفحة نهفات الفورة السورية على الفيس بوك.

**************

6 تعليقات

اترك رد