ضيعة ضايعة الجزء الثاني

بدأت قناة الجديد اللبنانية اليوم الإثنين (30/4/2012) بعرض الجزء الثاني من المسلسل السوري “ضيعة ضايعة” حيث يعرض على شاشاتها يومياً عدا الأحد عند الساعة السابعة إلا عشر دقائق مساءً (18:50).

و المسلسل من بطولة: باسم ياخور ونضال سيجري وأمال سعد الدين وتولاي هارون وجرجس جبارة وزهير رمضان وفادي صبيح ورواد عليو ونخبة من نجوم الشّاشة السّورية.
وتجري أحداث المسلسل في قرية “أم الطنافس الفوقا” الواقعة في جبال السّاحل السوري، حيث لا تزال الحياة على سجيتها الأولى.
ويتميز العمل باللهجة المحكية فيه بحيث يتحدث الأهالي بلهجة أهل الساحل ويستعملون مفردات غريبة كانت مستخدمة في أرجاء المنطقة وشارفت على الاندثار.
ويتضمن العمل عدة حلقات لكل واحدة منها قصةً مميزة، والمغزى المراد إيصاله منها هو الحنين والرجوع إلى البساطة والفطرة.

6 تعليقات

  1. اي تتهنا يا مجد احضرور لحالك ع هالمحطة التافهة.
    يعني بعد 5 ايام بترجعلنا بهيك خبر!
    كأنو في شي اهم عم يصير بالبلد من الترويج لمحطة ساقطة متلها.

    +++++
    انا عم روج لمسلسل سوري مو لقناة
    وأنا بتمنى لو وزارة الإعلام تمنح تراخيص للقنوات فضائية سورية ما كانا فضينا نتابع غيرن.

    مجد سورية.
    +++++

  2. حكيك صح بس قصدك المجلس الوطني للإعلام مو وزارة الإعلام اما بالنسبة ايلي فما رح فيني تابعو 🙁 فحوصات الجامعة قربت.

  3. مجد انا موافقة معك وفعلا نحنا من واجبنا نروج للمسلسلات السورية بس كمان كان فيك تحكي عن مسلسل جلسات نسائية -بصراحة من اروع المسلسلات اللي عم تابعها- على OTV بنفس وقت ضيعة ضايعة أو حتى المسلسل اللي ما رح يتكرر بتاريخ الدراما السورية وهوي الفصول الاربعة على NBN الساعة 11‎:30pm أو حتى مرايا ع LBC وإذا كانت مدونتك بتهتم بالبيئة الساحلية فقط فمن فترة كان عم ينعرض مسلسل سوري عم يحكي عن أهل الساحل على سورية دراما بس عنجد ما عد اذكرو.
    فليش بس ضيعة ضايعة؟
    انت يا مجد لساتك رابط نفسك بقناة الجديد واللي صراحة الناس بمنطقة الساحل -واللي مدونتك بتهتم بقضاياهن- ضعفت متابعتون الها بسبب مواقفها السياسية.. ولكون اصرح فمو بس انت بل معظم الشعب السوري لساتو ما عم يقدر يترك القنوات اللبنانية .. ع كلين انا حسب اعتقادي فهادي مشكلة مؤقتة لحتى تنطلق عنا قنوات سورية متل ما كانت المشرق و وقتها بيرجع السوري على قنواتو.
    اسفه على إطالتي الطويلة جدا وبتمنا ما تكون نزعجت من تعليقي الطويل الاول.

    +++++
    أهلا وسهلا بكل التعليقات.
    معك حق بس لأنو المسلسل ما أخد حقه بالعرض.
    وناطرينا نشوف قنوات سورية قوية مشان نغطي أخبارها.

    مجد سورية.
    +++++

اترك رد