اعلان شهد 1

قناة سوريا الأعمال الفضائية والتي كانت قد انطلقت منذ عدّة أشهر ثم توّقفت للبث بعد مدّة، عادت للبث مجدداً وعلى تردد جديد على مدار قمر النيلسات، وهي قناة شرائح تبث صوت وصور متقلّبة وهي مقربّة من المعارضة وستقوم القناة الآن بعرض الإعلانات مجاناً على شاشتها لجذب المشاهدين والمتابعين لها من أصحاب الإعلانات وغيرهم لتتبع بذلك نفس الأسلوب الذي اتبعته قناة “حلب اليوم” المعارضة في بداية بثّها.
هذا وقد أخذ على قناة “سوريا الأعمال” في بثّها السابق عدم المصداقية فيما تبثّه من أسعار إذ كانت تروّج للأسعار الأغلى.
ولمشاهدة القناة يمكنكم متابعتها على مدار قمر النيلسات وفق التردد التالي:
11075
عمودي
27500

قناة سوريا الأعمال الفضائية

تعليقات الفيسبوك

تعليقات الموقع

  1. صقر
    رد

    وانت ليش متدايق يعني !!! مؤيدة او معارضة وين المشكلة !!! عأساس أسعار التلفزيون السوري هي الصحيحة !!!

  2. رنا
    رد

    أكيد بتفرق معنا اذا معارضة او مؤيدة
    كل وحدة الها سياسة خاصة
    والاقتصاد هو مرآة للسياسة والعكس صحيح

  3. غير معروف
    رد

    والله المعارضة صارت بتزعل
    انو صارت قنواتها شرائح
    ليش وين مصاري الخليج
    صحي نسيت اخدوهن غسان عبود ورفئاتو وما تركو لحدا

  4. احمد
    رد

    انت بأي حق بتتهم القناة انها معارضة!!! انت شفت القناة؟ شفت فيها شي اله علاقة بالسياسة اصلا!!!
    عيب يا سيد مجد انت موقعك المفروض موضوعي ومحترم وعيب تتهم الناس جزافا

  5. احمد
    رد

    ارقام القناة موجودة عالشاشة والكادر عبيشتغل عالارض وداخل سوريا وعبحالوا يظهروا سوريا والاعمال السورية باجمل صورة أمام العالم ….مو معقول بكل بساطة يجي شخص وينسف انجاز القناة كله ويعتبرها معارضة ولا مؤيدة ولا مابعرف شو …..اتركونا من السياسة بقا وخلو الناس تعيش وتشتغل!!!!

    • MAJD SYRIA
      رد

      نحن لا نتهم أحد جزافاً
      وإنما اعتمدنا على أدلّة
      أهمّها أنّ الرقم الذي كانت تستخدمه للإتصال به لمن يريد عرض إعلانه مجاناً هو رقم تركي وليس سوري وكانت تكتب بجانبه للإتصال من داخل سوريا.

      نتمنى تفّهمك.
      وشكراً لك

  6. moha
    رد

    انا معها اذا معارضة
    بس انا ما بتابع قنوات شرائح بطيخة

  7. رامي
    رد

    اي والله لما شفت الرقم التركي دغري عرفت انها معارضة

  8. احمد
    رد

    يا سيدي استنتاج فعلا خطير!!! يعني اذا واحد عايش بتركيا معناها معارض!!!! يعني شو رايك كل السوريين يعيشوا بروسيا وايران لحتى يثبتولك العكس مثلا!!!
    لك نص شعبك يازلمة صار بقطر وتركيا والخليج منقول عنن كلن معارضين !!!
    عن جد امركم غريب

  9. سائد
    رد

    هههههههههه عجبتني هي الدليل تبع الرقم التركي …..طيب انا ياشباب مؤيد للنظام وصرلي عايش بتركيا ٧ سنين وعندي شركات وشغل هون ….شو رأيكم اترك تركيا لانه بخاف بكرة السيد مجد يكتسف اني معارض والدليل انه معي رقم تركي هههههههههه يحرق حريشك يامجد

  10. MAJD SYRIA
    رد

    السيد أحمد أو سائد أو ….

    عندما كتبنا الخبر كانت القناة لا تعرض سوى الرقم التركي
    فهل يعقل قناة سوريّة ومؤيدة تعجز عن الحصول على رقم سوري في بداية بثها ؟؟؟؟

    ثم إنّ أوّل من أعلن عن اطلاق القناة في بداية انطلاقها هي إحدى الصفحات المعارضة وذكرت بأنّها قناة معارضة.

    وأخيراً على ما يبدو من دفاعك عن القناة أنّك مقرّب من القناة أو معجب فيها على أبعد تقدير فلتطلب منها أنّ ترسل بياناً ينفي ما كتبناها عنها أو فلتخبرنا أنت على ماذا تعتمد في نفي ما كتبناه عن القناة.

    نتمنى تفّهمك.
    وشكراً لك

  11. سائد
    رد

    نعم يا سيدي انا اصدقائي بيشتغلوا فيها واكبر دليل انه القناة ليست معارضة انها لا تذكر خبر واحد ضد النظام !! اخبارها كلها متعلقة باسعار الاسهم والعملات والذهب والتسويق التجاري للاعمال السورية وبكل الاحوال الدليل على من ادعى ولا اعتقد ان القناة مجبورة ان تبرر موقفها لكل صفحة تكتب عنها ….وياسيدي بجوز من الممكن فعلا يكون احد الشركاء فيها عنده ميول معارضة وهل هذه جريمة جنائية مثلا!! انا عندي شركاء سوريين هون معارضين وبشتغل معن بالبزنز وكل واحد منا عنده وجهة نظر شو رايك جبلك شعب كله مفصل عكيفك مثلا!!!!

  12. سائد
    رد

    وبعدين ياسيد مجد الدليل يلي انت عبتتمسك فيه ضعيف وهش جدا لانه انت بتعرف منيح انه حاليا ٨٠ يالمية من مشاريع بلدك موجودة خارج الوطن ومو غلط انه الواحد يضل مهتم ببلده ويكون مصر على انه يكون اسم مشروعه باسم بلده وموجه لشعبه !!! خلي حكومتك الرشيدة تنظم موضوع ترخيص القنوات كنت شفتن بنص الشام وعبزيعوا القناة وبحطوا ارقام سورية !!!!!!! ارحمو العالم من اتهاماتكم يا مجد

  13. سائد
    رد

    طيب شو رايك انه في كتير صفحات معارضة اتهمت القناة انها قناة شبيحة وانها تابعة للنظام وانه صاحبها رامي مخلوف ومامون الحلاق ومابعرف مين كمان!!!!
    القناة حيادية يا جماعة تابعوها منيح وشوفوا اذا بتلاقو خبر واحد سياسي!!!

  14. سائد
    رد

    وتستطيع انت بكل بساطة مراسلة القناة وتوجيه الأسئلة لهم بما انك تهتم باخبار القنوات وكان من الأولى ان تتوجه للقناة وتراسلهم وتوجه أسألتك لهم بدلا من توجيه الاتهامات بشكل تعسفي وغير مبني على اي دليل منطقي ونحن كمتابعين لموقعك نطالبك فعلا بان تنشر على موقعك نتيجة النقاش واللقاء معهم !!!

  15. MAJD SYRIA
    رد

    سيد سائد

    أولاً أنا لم أذكر في الخبر أنّها قناة معارضة بل كتبت أنّها مقربّة من المعارضة

    ثم أنت قلت : بجوز من الممكن فعلا يكون احد الشركاء فيها عنده ميول معارضة وهل هذه جريمة جنائية مثلا!

    وبغض النظر عن رأيي بالمعارضة السورية ولكن نحن لم نذكر أنّ هذه جريمة
    وتبقى هذه نظرة شخصية لكل شخص فيما يراها حسب رأيه

    وأخيراً لو أنّك متابع مواضيع الموقع لكنت عرفت أنّه دائماً أطالب الحكومة بالترخيص لقنوات فضائية

    وأنا رح راسل القناة ويمكن اكتب موضوع جديد عنها وبتضمن ترددها الجديد

    نتمنى تفّهمك.
    وشكراً لك

  16. سائد
    رد

    شكرا مجد وننتظر كل ماهو جديد من موقعك الذي نحبه ونحترمه

  17. سوري للعضم
    رد

    كل هالنقاش لهالقناة
    والله فكرتها شي قناة عظيمة

اترك رد