لماذا قناة “سوريا الأعمال”هي قناة مقربّة من المعارضة؟

كنا قد كتبنا في موقعنا عن قناة “سوريا الأعمال” بأنّها قناة مقربّة من المعارضة وستقوم القناة الآن بعرض الإعلانات مجاناً على شاشتها لجذب المشاهدين والمتابعين لها من أصحاب الإعلانات وغيرهم لتتبع بذلك نفس الأسلوب الذي اتبعته قناة “حلب اليوم” المعارضة في بداية بثّها.

وكنا قد كتبنا ذلك اعتماداً على عدد من الأدّلة أهمّها الترويج للسعر الأغلى لبعض المواد حيث كانت على سبيل المثال تكتب عن سعر ربطة الخبز في سوريا بأنّه 150 ليرة سوريّة في الوقت الذي هو سعر ربطة الخبز في معظم المناطق السورية هو 15 ليرة سوريّة فما سبب تعميم سعر الربطة في بعض المناطق على أنّه السعر النظامي في كل سوريا ولمصلحة من هذا التعميم ؟؟؟

ومن الأدلّة أيضاً هي ترويج بعض المعارضين لها عبر صفحات التواصل الإجتماعي الفيس بوك.

وكذلك كانت القناة في بداية بثّها لا تعرض سوى رقم موبايل تركي للإعلان على شاشتها من داخل سوريا

ورغم أنّ العديد من قنوات الشرائح التي تبث صور ثابتة تعمل وتدار من داخل سورية وبعلم الدولة السوريّة كقناة الخبر وتوب نيوز والطبية السورية وقبلهم كانت كل من حلب تي في وموريا وغيرهم إلاّ أنّ قناة “سوريا الأعمال” لا تملك مكتباً لها في سوريا وفق لما ذكرت لنا صفحتها على الفيس بوك.

قناة سوريا الأعمال

و ردّاً على طلب أحد زوار الموقع والذي طلب منّا بأن نتوجه للقناة ونراسلها ونسألها، قمنا بذلك وأرسلنا إلى صفحتها على الفيس بوك بعض الأسئلة وذلك من حسابنا على الفيس بوك والذي يحمل اسم الموقع “مجد سورية” و لغو (إشارة) الموقع الخاص بنا وكتابتنا بأننا سننشر الإجابة في موقعنا ومعرفة مدير صفحة القناة بالموقع إلاّ أنّه إدّعى في النهاية بأنّه لا يعلم بأننا نحن صفحة الموقع وكتب لنا ما يلي:

انا هلأ عرفت موقعك انت يلي عبتكتب عقناتنا اشكال الوان !!! حبيبي بتمنى تلبس نظارات وتتابع القناة منيح وقناتنا فيها وطنية اكتر من الموقع تبعك يلي مع احترامنا اله ما بيتجاوز عدد متابعينه ال25 متابع
لو الي خبر انت صاحب هدا الموقع ماكنت تابعت معك لانه للاسف مافيني اقتنع انه شخص بيكتب كلام طالع نازل عكيفه انه يكون انسان موضوعي
نحنا مدينين الك باعتذار يا استاذ
اعتذار انه نحنا ردينا عليك
وانت مدين باعتذار انه تعتذر عن الكلام السخيف يلي كتبته على موقعك فنحن لا نتشرف لا بالمعارضة ولا بكل موقع غير موضوعي
مع السلامة

أمّا المحادثة الكاملة فهي كما يلي:

08:33 مساءً
Majd Syria
مرحبا

08:40 مساءً
Majd Syria
حابين نسألكم كم سؤال ان لم يكن لديكم مانع؟
والأسئلة هي:
بما أنه الإقتصاد هو مرآة للسياسة
هل أنتم قناة مؤيدة للدولة السورية ؟
وهل لنا أن نعلم من هو مالك القناة ومن هو مديرها؟
ومن أين تعمل وتبث القناة؟
علما أننا سننشر ذلك موقعنا
ان لم يكن لديكم مانع؟

09:00 مساءً
Syria Business tv – قناة سوريا الأعمال
اهلا وسهلا …..بالنسبة لسؤالك الأول فهو غريب نوعا ما حيث أنه من الواضح أن قناتنا هي قناة سورية واخبارنا تتعلق بالاقتصاد السوري بدون اعطاء الخبر الاقتصادي اي صبغة سياسية حيث اننا نحاول في قناتنا ان نخوض تجربة جديدة في طريقة البث الفضائي وحاولنا أن نكون قناة جامعة لكل السوريين في ظل الإنقسام الحاصل بين الشعب السوري للأسف وكانت رؤيتنا انه اذا فشلت السياسة والدراما بجمع السوريين تحت شاشة واحدة فربما يستيطع الاقتصاد فعل ذلك ولاحظنا ان قناتنا تمت متابعتها من جميع اطياف الشعب السوري ولاقت ارتياح نفسي لدى المشاهدين من حيث عرض اسعار الاسهم والعملات واسعار الذهب والسلع التي تهم المواطن السوري بحياته اليومية وبشكل واقعي بعيد عن المغالاة وبالوقت نفسه بعيد ايضا عن البيروقراطية من حيث البعد عن الواقع على الآرض … وطبعا القناة تعتبر ايضا قناة تسويقية واعلانية حيث اصبحت الوسائل الاعلانية التقليدية شبه عديمة الفائدة في سوريا بسبب الظروف القاسية الحالية فاصبح من شبه المستحيل مثلا توزيع جريدة اعلانية بمناطق جغرافية متباعدة وواسعة فكانت الفكرة لانشاء قناة تختص بالترويج والاعلان التجاري في فضاء النايلسات وباسعار رمزية جدا وحتى انه تم تخصيص زاوية مجانية ودائمة للاعلانات المبوبة

09:04 مساءً
Majd Syria
وبالنسبة لباقي الأسئلة؟

09:04 مساءً
Syria Business tv – قناة سوريا الأعمال
وأما عن ملاك القناة فهم مجموعة من رجال الاعمال السوريين المغتربين ولا يسعنا ذكر أسمائهم لدواعي كثيرة اتمنى انكم تقدرونها
واما عن بث القناة فهي تبث من خلال شركة دي اي تي في القبرصية المختصة ببث القنوات الفضائية
ولدينا وكلاء اعلانيين في سوريا وفي تركيا والامارات والعراق
واما الاخبار فنحن حاليا نعتمد على المواقع الرسمية الحكومية وبعض المواقع غير الحكومية ايضا
شكرا لكم

09:11 مساءً
Majd Syria
من أين تعمل ؟
اي من أين تدار القناة ويتم البث؟

09:18 مساءً
Syria Business tv – قناة سوريا الأعمال
البث يتم كما اخبرناك عن طريقة شركة متخصصة بالبث الفضائي في قبرص ويتم ارسال المحتوى للشركة ومن ثم رفع المحتوى على القناة
اخي الكريم من قواعد العمل الاعلامي تقول انه عندما تريد ان تسأل عن اسماء شخصيات واماكن يجب ان تكون الجهة الاعلامية السائلة معلومة الشخصية والمكان ايضا ….وانا لا اعرف ما هي الغاية من تركيزك على المالك وعلى مكان البث !! بكل الاحوال اهلا وسهلا بك
ومع انني لا اعرفك شخصيا ولكن الواضح انك تعمل من سوريا وصفحتك سورية وليست مشبوهة …،ولذلك اجبتك بكل رحابة صدر ….شكرا لك

09:22 مساءً
Majd Syria
من أين يتم ارسال المحتوى
اي مكتب الإدارة التي تدير القناة وعملها أين هو موجود؟

09:24 مساءً
Majd Syria
شكرا لردكم
نحنا نعمل في موقع مجد سورية
http://www.majdsyria.com/

09:25 مساءً
Syria Business tv – قناة سوريا الأعمال
اخي الكريم أسألتك بدأت توحي انك لا تبحث عن لقاء صحفي والواضح ان غرضك شخصي وتريد معلومات شخصية ….بعتذر منك …انتهى اللقاء

09:27 مساءً
Majd Syria
هل السؤال أين موجود مكتب الإدارة الذي يدير القناة هو معلومات شخصية؟

09:29 مساءً
Syria Business tv – قناة سوريا الأعمال
لا اعرف عن ماذا تبحث في الضبط ،،،،بكل الاحوال مكتب الادارة في دبي ،، وانا هلأ عرفت موقعك انت يلي عبتكتب عقناتنا اشكال الوان !!! حبيبي بتمنى تلبس نظارات وتتابع القناة منيح وقناتنا فيها وطنية اكتر من الموقع تبعك يلي مع احترامنا اله ما بيتجاوز عدد متابعينه ال25 متابع
لو الي خبر انت صاحب هدا الموقع ماكنت تابعت معك لانه للاسف مافيني اقتنع انه شخص بيكتب كلام طالع نازل عكيفه انه يكون انسان موضوعي
نحنا مدينين الك باعتذار يا استاذ مجد
اعتذار انه نحنا ردينا عليك
وانت مدين باعتذار انه تعتذر عن الكلام السخيف يلي كتبته على موقعك فنحن لا نتشرف لا بالمعارضة ولا بكل موقع غير موضوعي
مع السلامة

09:35 مساءً
Majd Syria
هذا رأيك ونحن نحترمه وسننشره كما هو

09:43 مساءً
Syria Business tv – قناة سوريا الأعمال
اتحداك ان تنشره كما هو لانه من الواضح ان موقعكم ليس له علاقة بشيئ واحد من المصداقية والموضوعية

 

انتهت المحادثة

ولمشاهدة القناة يمكنكم متابعتها على مدار قمر النيلسات وفق التردد التالي:
12303
أفقي
27500

37 تعليق

  1. فعلا انتو ناس غريبين …..ليش يعني كل حدا لازم يكون محسوب عالنظام او عالمعارضة!!!!
    انت سا استاذ مجد شو زاعجك بالموضوع ؟؟ شفت شي اساءة عالقناة لحدا ؟؟
    والله شعب غريب

    1. أنا شفت اللي كاتبه
      بالنسبة إلي في إساءة لما بيكتبوا سعر ربطة الخبز 150 وانا وغيري كتير عم نشتريها بـ 15
      ليش ليروجوا للسعر الأغلى على انو هو السعر المعمم بسوريا ؟؟؟
      بعدين حسب ما كتبلنا آدمن صفحة القناة أنه : ما بيتجاوز عدد متابعين موقعنا ال25 متابع.
      لهيك ما لازم تفرق معن شو ما كتبنا
      واذا هنن مو فارقة معن أنت كمان ما لازم تفرق معك

      شكراً لتفهمك

      1. صرلي ساعتين عبشوف القناة لاشفت ربطة خبز ولاشفت صندويشة شاورما!!
        يلي شفته اغاني سورية حلوة وفرص عمل معروضة للسوريين داخل وخارج سوريا وشفت اعلانات من كل مناطق سوريا والقناة اسمها سوريا بزنز !! يعني مافهمت ليش السيد مجد مصرّ يقحم كل شي بالسياسة !! بعدين حبيبي وافترض محسوبة عالمعارضة يعني انت شو يلي زاعجك!!! مانكون نحنا المعارضين مو بشر مثلا!!! أصلا ياريت تكون هي القناة معارضة لأنه وقتها بكون اول قناة معارضة محترمة منشوفها !!

      2. على حسب كلام مجد كل شي معه ارقام هواتف تركية معناها هو عميل للمعارضة !!
        حبيبي شو منعملك اذا نظامك كل شوي بعادي دولة وبصادق دولة تانية !!!
        سو رأيك نسكر كل اشغالنا وننتقل لايران مثلا حتى حضرتك ترتاح !!! ههههههه عقولة فيصل القاسم قال شو قال … رقم تركي …. الله يخليلك زكائك مع انه بعرف مارح تنشر يا أبو ١٥ مشترك !!

    2. كل قناة أبتحط صورة سيادة الرئيس فهي معارضة يعني واضحة القصة أبدا شرح ؟؟
      انا بعتلن مليون رسالة فيها تحية لسيادة الرئيس وماقبلو ينشروها !!! اي معارضة ونص بس الغريب ليش ما بيحكوا ضد النظام أبعرف!!! طريقة غريبة والايام جاي ومنشوف
      تحياتي مجد الغالي ابن سوريا

  2. القناة شكلها حيادي واعتقد هذا شيئ لا يعيبها بالعكس تماما السوريين بحاجة اليوم للحياد لانه قرفنا سياسة …..ويكفينا مزاودات

  3. القناة سخيفة
    وانتو عطيتوها أكتر من قيمتها
    ويمكن الأدمن اتحداك تنشرها مشان تاخد ضجة

  4. أنا بتابع الخبر
    الخبر مغطاية لكل قنوات الشرائح
    وأهم شي فيها المصداقية
    وبما انو طلع ما في مصداقية لقناة الأعمال فرح تكون فاشلة ورح تسكر بعد فترة متل غيرا

  5. شكلك تارك كل شي وراكض ورا هالقناة وكأنه في شي شخصي بينك وبينن!!! يعني مقدم عوظيفة عندن ومو موظفينك مثلا !!! صرعت راسنا بربطة الخبز تبعك لك يازلمي قناة اسمها بزنزززززززز شو الها علاقة بالمعارضة او السياسة !!!! وانت شو يلي زاعجك اذا كانو اصحابها معارضين او مؤيدين !!!!

    1. المعلق: ماجد
      نتمنى قراءة المقال بشكل كامل.
      واضح من كلام آدمن صفحة القناة على الفيس بوك أنّ موقعنا غير متابع سوى من 25 متابع ، يعني مارح يأثرو على قناة فضائية وأكيد مارح ينزعج من موقع ما بآثر
      لهيك روقو متلنا و لا تزعجوا حالكن أنتو إذا آدمن صفحتن مو مزعوج.

      شكراً لتفهمك أخ ماجد.

  6. مجد قلك شي هي لا مقربة من المعارضة و لا بطيخ اصلا هدول اصحابها مو سوريين و الدليل انها اطلقت قناة تابعة الها اسمعا اعمال العراق بنفس اللوغو و نفس الشاشة …. يعني لو سوريين ما كانوا اطلقوا قناة تانية مختصة باقتصاد بلد تاني لانو اللي فينا مكفينا ،،، صح ولا لاء !

  7. انا رايق بس انت يلي واضح انك رح تموت من قهرك ههههه هي صار تالت مقالة عن هالقناة ويلي بضحكني انه ولا واحد من القناة علق او حتى القناة ماعلقت عموضوعك ابدا ….ولك مجد صرت شك بموقعك مايكون فيه فعلا بس ٢٥ متابع هههههه

  8. نياله ما أطول باله لمدير الموقع
    كيف يتحمل هؤلاء المعلقين
    بحثت عن ترتيب الموقع في موقع اليكسا و وجدته في ترتيب متقدم في سوريا والعالم
    http://www.alexa.com/siteinfo/majdsyria.com
    فترتيبه يتراوح حول 300 بسوريا وهو ترتيب جيّد بل وربما ممتاز وسبق الكثير من المواقع
    أنا متأكد من أنّ الموقع متابع أكثر من موقع القناة فيما اذا كانت تملك موقع

    تحية لك سيد مجد
    وشكراً لجهودك

  9. الله يكون مع الشعب السوري
    ماحدا بهتم بقنوات الشرائح
    ليش مهتمايين فيها

  10. انا مع فكرة بشير ،،،،لتنه فعلا هني باقة قنوات اسمها ( الأعمال ) سوريا الاعمال وعراق الاعمال …وقريت عندن اعلان انه قريبا لبنان الاعمال وليبيا الاعمال ….يعني ما بتوقع انه هدول سائلين عالسياسة واصلا لاحظت انن مهتمين بأي عمل تجاري سواء داخل او خارج سوريا ….وهدا شي انا بشوفه شي حلو وبعتقد المفروض ننبسط بهيك شي …اما بالنسبة لموضوع انه فيه رقم تركي طيب استاذ مجد انا مثلا بابا مؤيد للنظام وعنده شغل بأزمير التركية من ٢٥ سنة وحاليا كلنا عايشين بتركيا يعني شو رايك نجي عسوريا ونموت بشي قذيفة مشان نكون مؤيدين بنظرك!!! انه مو معقول طريقة الربط تبعك بين موقع القناة وبين موقفن السياسي ههههه عن جد غريب

  11. خيي مجد بهالايام العالم لي بتخوف هيي المغتربة ولي عم تدعي بدا تشتغل من برا البلد شفت منهون كتير وكلو اوسسخ من بعضو وشو منشان انو قلك موقعك ما بيجيه غير 25 مشاهد وعهاد البوست فيه اكتر من 30 رد هههه

    1. شكراً الياس
      نحنا عم ننشر كل شي عم ينكتب بحدود الأدب.
      والحمد لله في زوار الموقع عم يردو وما عم يقصرو

      وبيبقى للقراء أن يحكموا.

      ومتل ا كتب السيد “محمد عثمان” مشكور:
      النا ترتيب منيح بحسب موقع اليكسا
      http://www.alexa.com/siteinfo/majdsyria.com

      وما بهمنا اذا معلق أو أدمن الصفحة شو ما كتب لأنو بالأخير بهمنا الواقع المثبت من موقع عالمي لترتيب المواقع

  12. هاهاهاهاي قال ربطة الخبز 150 نحنا اهل حلب يلي عم نموت 15 يا عيني كذب ظاهر وباين انها معارضة وشكرا لكم على تحذيرنا
    والسلام عليكم اجى الاكل تفضلوا

    هههههههههههههههههههههههههههههههههههههاي

اترك رد