متفرقات إعلامية: تلاقي – الإخبارية السورية – الدنيا – الميادين – أدونيس الخالد – نوّرت سمانا.

أخبار ومواضيع خفيفة وسريعة عن الإعلام السوري والعربي بشكل مختصر ومكتوب بالفصحة والعامية منكتبها كل فترة ومنتمنى تنال إعجابكم.

قناة “تلاقي” .. رمضان كريم
قامت قناة “تلاقي” الفضائية مع بداية شهر رمضان لهذا العام 2014 بوضع كلمة “رمضان كريم” تحت إشارة (لوغو) القناة بس لو كانت تكرّمت علينا وكتبت اسم المسلسل أو البرنامج اللي عم ينبث بدل “رمضان كريم” ما كان أكرم، قصدي ما كان أحسن؟!!

الإخبارية السورية .. وأغنية الربيع العربي لهبة طوجي
قامت قناة الإخبارية السورية منذ فترة ببث تقرير عن أغنية “الربيع العربي” للفنانة اللبنانية “هبة طوجي” كأول عمل فني ينتقد الربيع العربي، أكيد هالشي حلو بس الأحلى من هيك أنو تصير تبث كليب الأغنية كمان، لأنّو أغنيّة “قطري حبيبي” مانا أحلى منها واللي عرضيتا القناة بشكل مكثف لعدّة أيام عند إطلاق الأغنية.

قناة “الدنيا” عادت لجمهورها … ولكن!
عادت قناة “الدنيا” السورية للبث من جديد منذ عدّة أشهر ولكن للأسف عادت ببث ضعيف بالصوت والصورة وكذلك تنضم لبث قناة “سما” عند بث الأخيرة نشرات الأخبار وبعض البرامج، بس لو ما بتبثن بنفس الوقت بكون أحسن مشان تتيح للناس تشوفا بأكتر من وقت وخاصة أنو عم تنقطع الكهربا بسوريا بشكل متناوب.

قناة “الميادين” تضع الشال الفلسطيني على إشارتها
مع بدء العدوان الإسرائيلي على قطاع غزة في فلسطين تقوم قناة “الميادين” الفضائية بوضع الشال (الكوفية) الفلسطيني المعروف على الإشارة (اللوغو) الخاص بها كل عدّة دقائق بشكل متحرك كتعبير عن تضامنها مع الشعب الفلسطيني.

قناة تلاقي و الميادين

أدونيس الخالد … وجه إعلامي سوري جديد
“أدونيس الخالد” إعلامي سوري جديد أطل علينا بشهر رمضان من خلال قناة سورية دراما ببرنامج خاص فيه بعنوان “ألبوم” وهو برنامج فنّي بستضيف فيه أحد نجوم الدراما السورية ليحكو عنو وعن أعمالو.

الإعلامي السوري أدونيس الخالد

نوّرت سمانا … عم ينوّر
برنامج “نورت سمانا” هو البرنامج الفني اللي اختاريتو قناة “سما” الفضائية ليكون بسهرات شهر رمضان، البرنامج اللي عم يقدمو الفنان المحبوب “حسام جنيد” مع زوجتة الفنانة “إمارات رزق” عم يحقق حضور ومتابعة عند قسم كبير من المشاهدين رغم ظروف الحرب الصعبة اللي عم تمر فيها سوريا.

خلصت جولة المتفرقات الإعلامية، منتمنى أنو نكون عم ننال إعجابكم وما تنسو تتابعونا عبر حساباتنا على مواقع التواصل الإجتماعية التالية:

YouTube      Twitter      Facebook      GooglePlus

بااااااي

7 تعليقات

اترك رد